Mandhira Punnagai latest Movie gallary Part 1

சூர்யா, தனுஷ், ஆர்யா, அர்ஜுன் படங்கள் போட்டி: தீபாவளிக்கு 6 படங்கள் ரிலீஸ்

திரைப்படம்

தீபாவளிக்கு ரத்த சரித்திரம், உத்தமபுத்திரன், சிக்குபுக்கு, வல்லக்கோட்டை, மைனா, “வ” குவார்ட்டர் கட்டிங் ஆகிய 6 படங்கள் ரிலீசாகின்றன. ரத்த சரித்திரம் படத்தில் சூர்யா, இந்தி நடிகர் விவேக் ஓபராய், பிரியாமணி நடித்துள்ளனர். தமிழ், இந்தி, தெலுங்கு ஆகிய 3 மொழிகளில் தயாராகிறது. இரண்டு தாதாக்கள் சண்டை பற்றிய உண்மை சம்பவத்தை வைத்து இந்த படத்தை எடுத்துள்ளனர். ராம்கோபால் வர்மா இயக்கியுள்ளார்.

 

“சிக்குபுக்கு” படத்தில் ஆர்யா-ஸ்ரேயா ஜோடி யாக நடித்துள்ளனர். கே.மணி கண்டன் இயக்கியுள்ளார். காதல் கதையாக உருவாகி உள்ளது.

 

உத்தமபுத்திரன் படத்தில் தனுஷ்-ஜெனிலியா ஜோடியாக நடித்துள்ளனர். மித்ரன் ஜவஹர் இயக்கியுள்ளார். குடும்ப சென்டிமென்ட் கலந்த காதல் கதை. தெலுங்கில் வெற்றிகரமாக ஓடிய “ரெடி” படத்தின் ரீமேக்கே இப்படம்.

 

வல்லக்கோட்டை படத்தில் அர்ஜுன், ஹரிப்ரியா ஜோடியாக நடித்துள்ளனர். ஏ.வெங்கடேஷ் இயக்கியுள்ளார். ஆக்ஷன் படமாக உருவாகியுள்ளது.

 

மைனா படத்தில் விதார்த், அமலாபால் ஜோடியாக நடித்துள்ளனர். பிரபு சாலமன் இயக்கியுள்ளார். அமலாபால் சிந்துசமவெளி படத்தில் அனாகா என்ற பெயரில் நடித்து பிரபலமானவர். சிறு வயதிலேயே நட்பாக பழகுவார்கள். வளர்ந்ததும் காதல் வயப்படுவதும் அதனால் அவர்கள் சந்திக்கும் பிரச்சினைகளுமே கதை.

 

“வ” குவார்ட்டர் கட்டிங் காமெடி படமாக உருவாகியுள்ளது. சிவா கதாநாயகனாக நடித்துள்ளார். தயாநிதி அழகிரி தயாரித்துள்ளார்.

 

மேலும் 20 படங்கள் ரிலீசுக்கு தயாராக உள்ளன. கமல், திரிஷா ஜோடியாக நடிக்கும் மன்மதன் அம்பு படம் டிசம்பர் 10-ந்தேதி ரிலீசாகிறது.

 

விஜய், அசின் நடிக்கும் காவலன் படம் டிசம்பர் 24-ல் கிறிஸ்துமஸ் பண்டிகையையொட்டி வெளியாகிறது. ஜெயம் ரவியின் எங்கேயும் காதல், கார்த்தியின் சிறுத்தை, சிம்பு நடிக்கும் வானம், ஜீவாவின் கோ, சேரன் நடிக்கும் யுத்தம் செய் படங்களும் நவம்பர், டிசம்பர் மாதங்களில ரிலீசாகிறது.